عروس كفر الدوار.. نتشر خلال الساعات القليلة الماضية فيديو لعروس على وجهها تعابير استياء من عريسها وذلك خلال رؤيته الأولى لها بمحل صالون التجميل، حتى تصدرت الترند بهشتاج “المغصوبة”.
تعليق الميكب أرتيست لـ عروس كفر الدوار
حيث قالت أسماء صبري ميكب أرتيست العروس والمصورة للفيديو في تصريحات صحفية خاصة: دي كانت خطوبة والعروسة مكنتش عاوزة العريس.
كما أضافت أسماء صبري: العروسة مكنتش عاوزة العريس من طريقتها وشكلها، هي متكلمتش معايا بس طريقتها باينة.
العروسة المغصوبة
حيث تابعت قائلة: وهو داخل الفريست لوك كانت طريقتها باينة، مش عارفة متخانقين ولا هي مش عاوزاه أصلا بس مش مبسوطة زي ما باين في الفيديو.
كما أوضحت صبري: لما نزلت الفيديو لاقيت الناس كلها بتهاجمه ومتخليتش انه هيتشهر كده، وهو تقريبا لسه مشافش الفيديو لحد دلوقتي.. شكله ملوش في السوشيال ميديا.
فيما واصلت قائلة: أنا قفلت الفيديو عشان الناس دخلت تغلط، بس اتضح لي إن الناس شيرته كتير وانتشر بسرعة، ومتخيلتش إنه هيبقى تريند.
حيث أشارت إلى أن العروس تبلغ من العمر 19 عامًا، والعريس بائع فاكهة في سوق البحيرة.
