تحدث الرئيس عبد الفتاح السيسي في الموضوعات الهامة اليوم حيث جاء ذلك خلال كلمته في افتتاح مشروعات تنموية جديدة في جنوب الوادي.
نستعرض لكم في السطور التالية أبرز تصريحات السيسي في المؤتمر الذي عقد اليوم خلال افتتاح مشروعات تنموية جديدة في جنوب الوادي .
الرئيس السيسى: الدولة “موازنة”.. ولو ما قطعتش الكهرباء هضاعف ثمنها مرتين
ووجه الرئيس السيسى المسؤولين بالتحدث للرأى العام عن التحديات التى تواجه الدولة قائلا: “اتكلموا وقولوا الحكاية إيه للناس، قولوا ليه الكهرباء ليه مبتتعملش، ما تقولوا ليه؟ لو أخدت تمن الكهرباء الحقيقية هضاعف تمنها مرتين، طيب الغلبان هيروح منى فين؟ أقطع الكهرباء ولا أغلّيها؟ وأغلّيها قد إيه؟ اللى بيدفع جنيه هيدفع 2 و3، لو مواطن بيدفع 100 جنيه فى الشهر هاخد منه 300 جنيه طيب بنعمل إيه، بشرحها من باب إيه؟، أنا بتحمل المسؤولية أمام الله وقدامك علشان الكهرباء تستخدم 24 ساعة مفيش قطع كهرباء خالص لازم أخلى تمن الكهرباء قد تمنها مرتين 3 بقول تانى ليه مبزودش كده؟ علشان مديونية وزارة الكهرباء للبترول قد كده.. طيب اللى باخده أقل من التمن، وبالتالى أنا مديون لوزارة البترول.. أنا عندى مشكلة إنى أجيب البترول بالتمن ده وباقى الشركات اللى شغالة معانا ليها فلوس عندنا، طيب ده مديون وده مدين وده مش وليد النهارده ممارسات ماشين فيها بقالنا سنين، عملنا خطة فى 2016 علشان نخلى الحاجة على قد تمن تكلفتها لكن لازم تحطوا فى الاعتبار تحديات أزمة كورونا والأزمة العالمية والحروب اللى حوالينا وتأثيراتها علينا، الأمور مش ماشية كده يعنى ومواردنا مش كتير تسمح نقابل التحديات دى من غير جهد وتحمل لا”.
وواصل الرئيس السيسي: “واحنا بنعيب على المعنيين حتى فى التقارير الصحفية والمقالات اللى بتتكتب محدش بيتناول المسألة بشكل موضوعى خالص يا جماعة يا انتوا مش عارفين يا احنا مخبيين عليكم”.. بكلمكم بمنتهى الصراحة الدول لا تدار كده، وانما تدار بالجدية والمسؤولية والفهم ولو الناس فهمت هتيجى معاك وبقولك البديل أهو.. ممكن الكهرباء تشتغل 24 ساعة طبعا بس بكام؟.
الرئيس السيسي: مصر زادت 25 مليون نسمة منذ 2011.. هل الإنتاج الزراعى زاد؟
قال الرئيس عبد الفتاح السيسي، أن الدولة المصرية شهدت زيادة سكنية منذ عام 2011 وحتى الآن تصل إلى 25 مليون نسمة، متسائلا: “يا تري الإنتاج الزراعي زاد ما يساوي الزيادة السكانية؟!”.
الرئيس السيسي: خلط الذرة مع القمح يوفر للدولة 600 مليون دولار
تحدث الرئيس عبد الفتاح السيسي عن إضافة الذرة إلى القمح، قائلا: “لما بنتكلم عن القمح المخلوط بالذرة.. مش بنغير كتير في المواصفات وبنقول حاجة معقولة.. مش بيغير في طعمه وشكله.. بتتكلم عن 20 % ذرة مع الفمح.. بنستخدم 18 مليون طن قمح.. وعلى كل حال مش كله بيتعمل عيش ومنتجات أخري.. لو قولنا العيش بنتكلم عن 10 – 12 مليون طن للخبز.. الـ 20 % منهم يعني 2 مليون طن ذرة”.
وأضاف الرئيس السيسي، خلال كلمته في افتتاح مشروعات تنموية جديدة في جنوب الوادي: “حتى الآن ومهما عملنا لا نستطيع توفير احتياجات القمح ونضطر نجيبه من بره.. ممكن اوي لتوقيت الزراعة الذرة يغطي جزء من القمح.. انا بقول لكم علشان انا رجل صريح.. لو انا اه اعمله.. 2 مليون طن قمح سعرهم يصل إلى 600 مليون دولار أو أكثر حسب سعر طن القمح.. وصل إلي أكثر من كده خلال الأزمة بالعام الماضي.. لو النهاردة اعمل هنا والتكلفة هيوفر 600 مليون دولار في استيراد.. ده موجود وده موجود”.
الرئيس السيسي: رغيف العيش أبو 5 قروش يكلف الدولة جنيه وربع
تحدث الرئيس عبد الفتاح السيسى عن تكلفة رغيف الخبز، قائلا: “رغيف العيش بيتكلف جنيه وربع.. جنيه وربع.. أصل فيه ناس مش بتحب تتكلم.. ليه مش بتكلم وتقول.. هو عيب ولا حرام.. لا عيب ولا حرام”.
وأضاف الرئيس السيسي، خلال كلمته: “الرغيف أبو شلن بيتكلف جنيه وربع.. بعد ما كانت ميزانية الدولة تتكلف دعم لرغيف الخبز يصل إلى 20 – 30 مليار.. أصبح 120 – 130 مليار.. الرغيف أبو 5 صاغ ثمنه جنيه وربع.. بيكلفنى 130 مليار جنيه”.
