صرح مغني المهرجانات “حسن شاكوش” إنه ملتزم بحوالي 50 أسرة، حيث أنه إذا توقف عن العمل هذه الأسر سوف تتأثر ماديًا.
تصريحات حسن شاكوش عبر حسابه الرسمي على إنستجرام
حيث قال “حسن شاكوش” من خلال بث مباشر عبر حسابه الرسمي بموقع “إنستجرام”: “أنا ورايا التزامات ومعايا أخواتي وأهلي حوالي 5 أو 6 بيوت وفرقتي حوالي 40 فرد واللي شغالين معايا حوالي 7 أشخاص، ولو أنا قعدت في البيت الـ 50 أو 60 بيت دول مش هيلاقوا يأكلوا ومتعلقين بعد ربنا بيا أنا”.
عن غنائه للمهرجانات
بالنسبة لـ غنائه للمهرجانات قال “شاكوش”: “أنا مميز في الحتة دي وأنا لما بغني بحب أني أكون متفاعل مع الجمهور بتاعي وفيه ناس من الجمهور بيحبوا رقصي، والواحد مش بيلبس بدلة رقص ويطلع يغني وربنا يخليلنا الناس اللي في ضهرنا ويحبونا واللي بيكرهنا يقولنا ربنا يهديكم ويصلح حالكم لأننا وصلنا لمرحلة إن 95% مننا أننا بنكره الخير لأي حد ناجح حتى لو راجل بتاع ورنيش هنلاقي ليه أعداء”.
كما أضاف “حسن شاكوش” وعن أحداث فلسطين: “أنا كنت موقف شغلي شهرين أو تلات شهور علشان أخواتنا في فلسطين والواحد لو في أيده كان يعمل أي حاجة كنا هنعمل مش هنتأخر ووقفنا شغلنا شوية بس الشغلانة بتاعتنا ديه اللي ينام فيها شهر وميبقاش موجود الموضوع بيبقى صعب، والشغلانة دي مش عايزة النوم عايزة 24 ساعة تفكر وتعمل”.
وتابع “شاكوش” قائلًا: “لو قعدت في البيت مش هلاقي أكل وأنتوا عارفين الدنيا عاملة إزاي والغلا الله يكون في عون ناس كتير يعني، محدش قالي أوقف شغل لكن ذوقيًا مني مينفعش أشوف اخواتي بيموتوا في فلسطين وبقالي 3 شهور مشتغلش بسبب أخواتنا في فلسطين، ولو هتلاحظوا المواعيد اللي كنت ملتزم بيها والحفلات ومنزلتش منهم ستوري من حفلة على إنستجرام ومبنزلش حتى الدعاية بتاعة الأماكن”.
