قامت “أسما شريف منير” بتوجيه رسالة إلى متابعيها بعد انتظامها في الصلاة خلال الفترة الأخيرة.
رسالة أسما شريف منير لمتابعيها على موقع إنستجرام
كما كتبت “أسما شريف منير” عبر حسابها الشخصي بموقع التواصل الإجتماعي وتبادل الصور والفيديوهات “إنستجرام”: “كل يوم أربعاء كنت بسهر مع صحابي، وكل مرة حتى لو بنبسط يوميها تاني يوم بيكون يوم وحش أوي، وكل مرة أقول مش هروح وبضعف وبروح تاني وبقالي 12 يوم مروحتش، وده بدأ بأني حاسة إني عمري ما هعرف أرقص وأهيص في الوقت الصعب ده وبعدين بقى إحساس ليه علاقة بيا أنا وإختياراتي”.
أضافت “أسما”: “وذهبت اليوم إلى مسجد صالح الجعفري وصليت، وبعد هذا ذهبت إلى مرقد الإمام الحسين وصليت صلاة العشاء، وكان شعور بالهدوء والسكينة الشديدين، وكان قلبي مطمئنًا وسعيدًا”.
وتابعت “أسما شريف منير” قائلة: “وعندما عدت إلى المنزل عدت من جهة المكان الذي كنت أسهر فيه وجلست أسبح لفترة، وشعرت كما لو أنني طلعت الأولى على المدرسة، وأشعر بالقوة والإنتصار على الشيطان وعلى نفسي”.
فيما تابعت “أسما شريف منير” حيث قالت: “ده مش عشان أنا ضد السهر لا خالص بس أنا ضد أنها تبقى دي محور حياتي ويوم ثابت كده، التوازن مهم في كل حاجة وأنا مبسوطة أني كل شوية بفوق وبصلح وحدة وحدة، أنا بقول الكلام ده عشان عارفة إن في ناس زيي محتاجين يعرفوا إنهم مش لوحدهم، وأن هيجي عليك وقت تحس إنك محتاج تفوق وساعتها حقيقي هتكون سعيد بجد مش من برا بس ولا في السهرة بس، السعادة هتملي قلبك كله ربنا يهدينا كلنا يا رب.
