قام الفنان “أحمد العوضي” بنشر فيديو عبر حسابه الشخصي على موقعالصور والفيديوهات “إنستجرام”، يطلب فيه من جمهوره بالتبرع لجمعية الهلال الأحمر لمساندة الشعب الفلسطيني الشقيق.
أحمد العوضي يطلب من الجمهور التبرع لغزة
حيث قال “أحمد العوضي” من خلال الفيديو: “مساء الخير على كل أخواتي طبعًا كلنا عايشين اللي بيحصل في غزة ووطن عزة، هنا في الهلال الأحمر المصري مع إخواتنا الأبطال المتطوعين في الهلال الأحمر، أنا بس عايز أطلب منكم حاجة إحنا عملنا بوستات ونزلنا صور والحاجات دي كلها لكن الحاجات دي كلها مش كفاية، عايزك تتصرف تصرف فعلي علشان ميبقاش أن إحنا بس بنتفاعل بمجرد كلام إحنا من جوانا موجوعين علشان إخواتنا في قطاع غزة”.
كما أضاف “أحمد العوضي”: “أنا بطلب منك النهاردة من كل أخ جدع وكل أخت جدعة انزل اتبرع ولو بجنيه إحنا 105 مليون لو حطيت جنية واحد، وأخواتي مش هيتأخره هما هيسهلولك كل حاجة إنت مش هتقدر تروح هما هيجولك لو إنت ماشي في الشارع وكلمتهم هيجولك ياخدو منك الفلوس”.
وتابع “العوضي” قائلًا: “كل الشباب أخواتي دول متطوعين أبطال بجد ده غير اللي موجودين في سينا الناس دي مش عايزة حاجة غير إن هما جايين يساعدوا أخواتهم، عايز تتبرع بدم إنزل اتبرع أعمل حاجة فعلية يبقي أسمك عملت حاجة فعلية وعبر عن صوتك وعن دعمك على “الفيسبوك” براحتك لكن أعمل حاجة فعلية أن إنت تنزل تتبرع ولو بجنيه واحد ومتقولش إن الجنيه ده مش هيفرق لآن الجنيه هيفرق والنص جنية هيفرق لأن إحنا كتير آوي وإحنا مصريين جدعان وإحنا في ضهر إخواتنا دايما ف يلا نعمل كده والهلال الأحمر ده حاجة كبيرة جدًا جدًا جدًا لو تعرفوا الناس دي بتعمل إيه مش مجرد أكل وشرب ومساعدات يعني حاجات كبيرة جدًا تانية وأنا بشكر كل أخواتي دول بجد جدعان، وأنا كل أخواتي جدعان وأنا بقولك الطريق اللي يخليك تساعد فعليًا إنزل اتبرع ولو بجنيه بجنية واحد بس مفيش حد معهوش جنيه”.
