إسلام الشاطر يرد على هجوم أحمد حسام ميدو ضد الأهلي

قام نجم النادي الأهلي ومنتخب مصر السابق “إسلام الشاطر” بشن هجوم على عنيف على لاعب نادي الزمالك السابق “أحمد حسام ميدو”، وذلك بعد تصريحاته الأخيرة ضد الأهلي.

والتي قد رددها “ميدو” في إحدى القنوات السعودية وقام بمهاجمة القلعة الحمراء وإتهامه له بالحصول على كل هذه البطولات بالسحر.

رد إسلام الشاطر على تصريحات أحمد حسام ميدو

رد “إسلام الشاطر” من خلال شاشة قناة الأهلي وقال: “شفت فيديو غريب جدًا ما يصحش وما يصحش اللي الواحد سمعه خاصة لما تكون بتتكلم بشكل عبثي عن فريق كبير وعظيم، وبتتكلم عن فريق من بلدك في قناة سعودية إيه الفكرة من هذا الأمر يا ميدو لو أنت بتهزر ما يصحش ولو بتتكلم بجد دي تبقي مصيبة أكبر”.

كما تابع “إسلام الشاطر” قائلًا: “ما يصحش اللي انت عملته يا ميدو إطلع إعتذر قول أنا آسف ما ينفعش تقول إن التويتر بتاعي إتهكر ما ده اللي بيحصل كل مرة وتقول التويتر بتاعي إتهكر وهو ما إتهكرش ولا حاجة، وطبعًا المرة دي صوت وصورة هتطلع تقول أيه”.

ووضح نجم الأهلي السابق: “أنا لعبت في إتحاد جدة وكل الناس هناك أصحابي وأصدقائي والناس هناك مستاءة بشكل غير طبيعي من اللي قاله ميدو وقبل كده عملنا فضحية مع نادي الوحدة ومشوه ساعتها من السعودية، يا أخي ما يصحش اللي أنت بتعمله ده، حتى الناس في السعودية ردوا عليك بهذا المنطق وأخواتنا في السعودية وصلوا لدرجة إن القناة تعتذر”.

هجوم إسلام الشاطر على ميدو

كما هاجم الشاطر “ميدو” حيث قال: “يجب على الضيف إنه يكون عاقل وفايق يعرف هو بيقول إيه ما يصحش هذا الكلام على النادي الأهلي الكبير، والمفروض كل القنوات تلوم على ميدو في اللي قاله، وإلا نكون بنقول إن هذه هي صورة الرياضة في مصر من خلال الكلام اللي قاله ميدو”.

وتابع الشاطر هجومه: “سحر أيه اللي بتقول عليه عيب أنت نجم كبير وعندك متابعينك ومحبيك من مصر وأوروبا كمان، بس أوروبا أيه اللي أنت لعبت فيها يا ميدو وأنت بتحاول توصل للناس إن في سحر وأعمال، طيب ما كان الأهلي كسب كأس العالم للأندية بالأعمال والسحر بقي، كلمني عن الشيخ اللي كنت بتاخده في الأتوبيس بـ 7000 جنيه ده أنتوا اللي أخترعتوا الفكرة دي، يا جدع عيب ما يصحش أنت بتتكلم عن بلدك”.

كما عرض إسلام الشاطر فيديو لكلام ميدو في مداخلة هاتفية مع “سيف زاهر” يؤكد فيه وجود شيخ مع نادي الزمالك وكان يتقاضي 7000 جنيه شهريًا، وكان يحدد كل شئ في الفريق ويقول مين يلعب ومين ميلعبش، وقد بث هذا الفيديو عبر قناة النادي الأهلي.