قام المخرج عمر هلال والفنان محمد فراج بإثارة غضب الصحفيين وهذا بسبب ردهما على سؤال أحد الصحفيين، خلال أحداث المؤتمر الصحفي للفيلم عن نهاية فيلم (فوي فوي فوي).
رد عمر هلال ومحمد فراج
وكان رد المخرج عمر هلال للصحفي صادمًا كما وصف بالبذيء مما أثار غضب العديد من الحاضرين في المؤتمر حيث كان رد المخرج: “أنت مشوفتش الفيلم أنا لو شغال قواد أو بانظف هتبقى مبسوط، ده راجل شغال ممثل أفلام”.
كما تدخل محمد فراج وقام بالرد على سؤال الصحفي أيضًا بطريقة بها “استعلاء وغرور” وجاء رد فراج: ” لو أنت حابب النهايات دي ممكن تعيشها أنت كنت في قاعة كام أصلًا” وغيرها من الرود الساخرة.
تعليقات الجمهور
كما أثارت ردود الممثل والمخرج غضب العديد من الجمهور ورواد مواقع التواصل الإجتماعي حيث قال أحدهم: “حمد فراج بقى مغرور أوي وفاكر نفسه بقى بطل، بطل مين أنتوا بتتفرجوا على حاجة تانية ولا إيه”.
بينما كتبت مغردة على موقع التواصل “تويتر”: “أنا واحدة من الناس كنت بحب محمد فراج جدًا جدًا، فنان عنده قبول وقدرات تمثيلية بتخليه يتمكن من أي دور بيعمله، لكن بجد اتقفلت منه أوي بعد اللي شوفته ده! ولأ ده مش كلام متاخد برة سياقه زي ما بيتقال دايمًا، الكلام واضح وطريقة الرد واضحة وتمام أوي كدة”.
وعلق شخص آخر حيث قال: “إيه التعالي والقرف في الردود دي والله كنت متحمس أشوف الفيلم بس مش هدخله ولا عايز بصراحة، دعاية سيئة لفيلم المفروض أنه جيد”.
كما كتب شخص ثالث: “إيه كمية العجرفة وقلة الذوق دي ف الردود! إيه المعاملة دي مع الناس يا فراج! الفكرة أن محدش انتقدهم، دي كلها مجرد أسئلة! داء نقص مش طبيعي”.
