بعد الخلافات والمشاكل التي بدأت بين ريم طارق وحسن شاكوش خلال الأشهر الماضية وكانت الأزمة التي بينهما حديث جميع مواقع التواصل على السوشيال ميديا وفي برامج التليفزيون كل هذه الفترة، أعلنت ريم أن الخلافات التي قد نشبت بينا وبين طليها مطرب المهرجانات حسن شاكوش قد تم حلها وأنتهت.
تصريحات “ريم طارق” من خلال فيديو لها
كما صرحت ريم طارق من خلال مقطع فيديو خاص لبرنامج “دعوة فرح” الذي يذاع على شاشة قناة “هى” والذي تقدمه الأعلامية “فرح شعبان” حيث قالت طارق: ا”لحمدلله أخدت كل حقوقي الشرعية من حسن والحمدلله إني طلعت شخص كويس وهو كمان شخص كويس وراجل محترم”.
كما تابعت ريم في مقطع الفيديو قائلة: “وكل اللي حصل ده كان سوء تفاهم وتدخل أكتر من طرف وأي حد سيرته جت في الموضوع سواء من أهله أو من أهلي أو مامته فـ حقهم على راسي وكل شىء قسمة ونصيب”.
تصريحات تليفزيونية سابقة لـ ريم طارق
وكانت صرحت ريم طارق في لقاء تليفزيوني سابق لها من خلال برنامج “90 دقيقة” الذي تقدمه الأعلامية “بسمة وهبة” حيث قالت: “إتحملت ما لا يتحمله حد وبداية من رابع يوم جواز كل يوم أشوف قصة وموضوع وكنت مهددة أخرج من البيت معرفش أرجع تاني”.
كما تابعت ريم حديثها قائله: “كانت بينا خلافات زوجية ولكن كان مش زي خلافات أي اتنين متجوزين وحسن طيب وابن حلال وجدع وشهم وعلشان كده وافقت أتجوزه، لكن الصورة حاجة واللي شوفته في البيت حاجة تانية خالص تماما شفت أبشع حاجات ممكن أي حد يتخيلها محدش يقدر يتحملها والموضوع مش خيانة هو أكبر من الخيانة وإنسانيًا وأخلاقيًا ودينيًا أنا مش هقول”.
وأضافت ريم خلال اللقاء: “نفسي أتكلم وأقول لكل الناس اللى شوفته ولكن أنا مش هقدر أعمل كده ومش هقدر أحكي الموضوع كبير ومش عايزه أشيل ذنب حد بعد ما أفضحه”.
