مش عارفة أدفع إيجار بيت وربنا بيسامح .. منى فاروق تكشف سبب اعتزالها الفن
أعلنت الفنانة منى فاروق، اعتزالها التمثيل بسبب عدم مشاركتها في أي من الأعمال الفنية ، مما جعلها تتعرض لأزمات مادية وعدم مقدرتها على دفع إيجار بيتها .
و قالت مني في منشور لها عبر حسابها على “انستجرام”: “مساء الخير الكلام اللي بقوله ده خارج خالص عن فكرة إني أخد التريند وأعمل زي أي حد أنا قولت أعتزل الفن لسبب واحد إن هو ده مصدر رزقي الوحيد اللي أنا بحبه وعاوزة أشتغله لكن لما أوصل لمرحلة إني مش عارفة أدفع إيجار بيتي حاجة تتعب أنا محتاجة أشتغل عشان أعيش زي أي بني آدمة.
وتابعت في منشورها “أنا غلط وربنا بيسامح ليه البني آدمين مش عاوزين يسامحه أنا بسمع بودني لا بلاش منى عشان الفيلم والدعاية ميضرش الفيلم أو المسلسل ليه يا ربي أنا بقيت منبوذة من كل الناس أنا مش طالبة غير اشتغل الحاجة اللي بحبها عشان أعرف أعيش”
واختتمت كلامها قائلة “المجتمع حاططني في المكان الوحش بس مش يمكن عاوزه أبقى كويسة زي أي واحدة ليه يتقفلوها قدامي في كل حاجة عشان كدة أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل عاوزه أعرف أعيش ولما قولت قرار اعتزال من أجل لو حد شافني بشتغل في محل لبس أو أي شغل ميقولش إيه ده والله مش طالبة غير اشتغل أبوس ايديكم عاوزه أشتغل”.
وفي وقت سابق كتبت منى فاروق، عبر خاصية “ستوري” على حسابها بموقع “إنستغرام”: “تعبت وأشعر بعدم التقدير لشخصي ولموهبتي. لم أعتد البقاء في مكان ومع أشخاص لا تقدرني. تعبت ولذلك أعتزل”.
أردفت: “ما عشته من قبل لغيري سأعيشه لنفسي الآن”، مشيرة إلى أنها تحتاج إلى خلوة مع النفس وسلام نفسي، كما وجهت الشكر إلى كل محبيها: “شكرًا.. كتر خيرکم”.
واختتمت منى فاروق منشورها قائلة : “الذين لا يحبونني.. احذفوني من حساباتكم حتى أستطيع أن أواجه الحياة الظالمة مرة أخرى”.
