تخيم حالة من الحزن على الوسط الفني وذلك بعد وفاة المخرج الشاب “أحمد سامي العدل” نجل الفنان الراحل، وهذا بشكل مفاجئ يوم أمس السبت الموافق 30 سبتمبر.
وكشفت “رشا سامي العدل” بكلمات مؤثرة تفاصيل اللحظات الأخيرة في حياة شقيقها، وهذا من خلال نشر صورة لهما معًا عبر حسابها الرسمي على موقع التواصل الإجتماعي “فيسبوك”.
تفاصيل أخر لحظات المخرج أحمد سامي العدل
كما كتبت “رشا”: كنا قاعدين على البحر في دهب في ساعة الغروب بنضحك وبنعيط سوا ونشتكي لبعض قد إيه أبونا وحشنا، وقد إيه الحياة من غيره صعبة فضفضنا لبعض ووعدنا بعض بحاجات كتير.
وتابعت “رشا سامي العدل” قائلة: رجع القاهرة على وعد بلقاء قريب نتجمع فيه تاني، وجيه اللقاء بعد مكالمة تليفون الحقي أخوكي تعبان في المستشفى، جريت عليه لقيت التعب والألم زايدين على عمره عمرين مش عارف يتنفس وكلامه بصعوبة، قعدت أكلمه وأضحكه وأحاول أهون عليه شوية وأسيبه يرتاح شوية.
38 دقيقة إنعاش لأحمد سامي العدل
كما تابعت “رشا”: وفي عز محاولاتي نقله لمستشفى تانية فقد نبض قلبه لثواني قدامي، إتخضيت الدكاترة طمنوني وقالوا مفيش حاجة أهو زي الفل، بس قلبي وجعني ولقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه، ويا دوبك لفيت ظهري ولسة هاخرج أشوف موضوع الإسعاف ونقله.
وختمت حديثها قائلة: لقيت دكاترة وممرضين في كل حتة حوالين أحمد بيحاولوا ينعشوه لمدة 38 دقيقة على الساعة محاولات وأنا واقفة قدامه وقلبي بيتقطع وروحي أنا اللي بتطلع مني وماسكة في خيط أمل من الدخان اتقطع بـ آخر نفس منه وراح أحمد، أخويا الصغير الطيب الحنين الهادي.
